Пословиците и нивните варијанти : компаративна анализа на примери од македонскиот и од францускиот јазик

Abstract

Пословиците, како затврдени состави со кои се пренесува кондензирана порака, предизвикуваат сè поголем интерес во лингвистичките кругови затоа што можностите за нивно проучување ги надминуваат рамките на строго стилистичката и семантичката сфера и навлегуваат и во сферата на синтаксичките истражувања. Предмет на анализа на овој труд се варијантите на пословиците кои отвораат и прашања како степенот на сраснатост на нивните елементи и границата меѓу варијанта и синонимна форма на една пословица. Тргнувајќи од методата на Конена и Лакавала, го определуваме видот варијанти кај примери од францускиот и од македонскиот јазик и укажуваме на можните насоки за нивно проучување реализирано врз побогат корпус од пословици.