Љубовта како милосрдие и во делата на свети Климент Охридск‎и

Abstract

Во Светото писмо посебно место зазема темата за љубовта, чиј најзначаен израз е милосрдието. Свештените старозаветни текстови говорат за Божјата љубов кон човекот, но и за конкретната и делотворна љубов на човекот кон Бога и кон својот ближен. Новозаветната порака, пак, го доосветлува и потврдува ваквото значење на љубовта. Свети Климент Охридски во своите дела пишува и говори со библиски јазик кога се обраќа кон своите современици, применувајќи го библискиот пристап на милосрдната љубов како важен едукативно-дидактички елемент во запознавањето на народот со основите на верата. Целта на ревносниот Светиклиментов повик е сообразување на постапките и однесувањето според библиските начела и одговорно живеење во заедништво со Бога и со човекот.