Препрочитување на ,,Молитва” од Блаже Конески низ призмата на ‎псалтирскиот пролог

Abstract

Во овој текст е направен обид да се направи кратка анализа на песната „Молитва” од стихозбирката „Црква” на Блаже Конески, препрочитана покрај псалтирскиот пролог, првиот псалм од старозаветната збирка позната под името Псалми (или Псалтир). Основата и можноста за ваквиот компаративен преглед се состои во изобилната употреба на религиозниот вокабулар во делата на Конески, втемелен врз сопствената традиција, од светите Климент и Наум, па потоа низ целата историја на македонскиот народ, сè до денес. Анализата е ориентирана кон евидентирањето на содржинските односи, односно на терминолошката и структуралната поврзаност, имајќи предвид дека симетријата, којашто честопати е само формална, умее да извлече и открие неочекувани врски и да понуди нови толкувања и пораки.