Модалните глаголи како маркери за евиденцијалност во македонскиот и во германскиот јазик

Abstract

Во трудот се разгледува употребата на модалните глаголи во македонскиот и во германскиот јазик како маркери за евиденцијалност на современ план. Се анализира кои модални глаголи можат да се употребат како маркери за евиденцијалност, кои видови извори на информација се означуваат со нив и дали се вбројуваат во граматичките или во лексичките маркери за евиденцијалност. Дополнително, се разгледува врската на модалните глаголи што се употребени како маркери за евиденцијалност со деонтичката и со епистемичната модалност. Анализата на употребата на модалните глаголи како маркери за евиденцијалност во македонскиот и во германскиот јазик ги покажува сличностите и разликите меѓу двата јазика.