Преваленција и дистрибуција на хуман папилома вирус инфекција кај клинички суспектни цервикални лезии.

Abstract

Вовед. Малигната трансформација индуцирана од хуман-папилома вирусот (ХПВ) вклучува инхибиција на р53 и рRB тумор-супресорските протеини во инфицираните цервикални клетки со Е6 и Е7 вирусните протеини, соодветно. Вирусната инфекција со високоризичните ХПВ типови, го зголемува ризикот за перзистентна или прогресивна цервикална лезија. Целите на оваа студија се: детекција и типизација на хуман-папилома вирусот кај пациентките со цервикални лезии; одредување на корелациите меѓу ХПВ-инфекцијата и цитолошките или хистопатолошките дијагнози, како и корелациите со возраста на пациентките. Методи. Во оваа студија беа анализирани 6988 примероци. Од нив се исклу£ија примероците кои се повторуваа и кои имаа деградирана ДНК, а во работната група беа вклучени 4421 пациент. За детекција и типизација на ХПВ беше користена PCR-RFLP техниката. Резултати. Фреквенцијата на ХПВ кај прекурсорните лезии се движеше од: 51% (н=539) кај лесната; 75% (н=303) кај умерената, 91% (н=186) кај тешката дисплазија и 93% (н=78) кај in situ карциномот. Најзастапени ХПВ-типови по опаѓачки редослед беа ХПВ 16, 31, 53, 18, итн. Највисока фреквенција на инфекцијата е најдена кај пациентките до 19 години. Заклучок. Овие резултати ја оправдуваат потребата за вклучување на ХПВ-анализата како дополнување (суплемент) во примарното скринирање за цервикалните лезии. Резултатите може да послужат во националната стратегија против цервикалниот карцином, како и за навремена ХПВ-вакцинација на младата популација. Background. Malignant transformation induced by HPV involves inhibition of p53 and pRB tumor suppressor proteins in infected cervical cells with E6 and E7 viral proteins, respectively. Infection with high-risk HPV genotypes increases the risk for persistent or progressive cervical lesions. The aim of this study was to determine the presence and type of HPV infection in patients with cervical lesions, as well as to determine the correlation of HPV infection with the cytological and histopathological diagnosis and with the age of the patients. Methods. A total of 6988 samples were analyzed in this study. After exclusion of the repeated samples and those containing degraded DNA, 4421 patients were included in the study group. PCR-RFLP method was used for HPV detection and typing. Results. The HPV-frequencies in samples with precursor lesions were as follows: 51% (n=539) in patients with mild; 75% (n=303) with moderate; 91% (n=186) with severe dysplasia and 93% (n=78) with carcinoma in situ lesions. The most frequent HPV types in descending order were: HPV-16, 31, 53, 18, 58, etc. The most frequent HPV infection was found in the youngest group of patients (under the age of 19 years). Conclusion. These results justify the need to include HPV analysis as supplementary in primary screening for cervical lesions. The results can also be used for developing national strategy against cervical carcinoma and for prevention with HPV-vaccine of the young population.