ЗАШТЕДАТА ВО ПОТРОШУВАЧКИОТ ВИШОК КАКО ИНДИКАТОР ЗА ПРОЦЕНКА НА ЕФЕКТИТЕ ОД ПОЛИТИКАТА ЗА ЗАШТИТА НА КОНКУРЕНЦИЈАТА

Abstract

Скептицизмот што се појави кон крајот на 1990-те во однос на корисноста и придобивките од политиката за заштита на конкуренцијата претставуваше катализатор кој делуваше во насока на развој на конкретни методологии и пристапи за ex-post евалуација на ефектите од одлуките кои ги носат институциите за заштита на конкуренцијата. Како лидери во овој процес беа институциите за заштита на конкуренцијата во САД, Велика Британија, Холандија и во Директоратот за конкуренција во Европската комисија. Со благи методолошки разлики, овие институции редовно ги пресметуваат заштедите во потрошувачкиот вишок, како еден од индикаторите за прикажување на резултатите од своето работење. Во Р. Македонија, политиката за заштита на конкуренцијата нема свој идентитет. И покрај фактот дека постои релативно солидна законска основа, сепак примената на истата во изминатава деценија и половина е релативно слабо изразена и со очекувани скромни резултати за благосостојбата на потрошувачите.