Влијанието на доминантната латерализација на мајките во извршувањето на секојдневните активности и доминантната латерализација на горните екстремитети кај нивните деца

Abstract

Со оглед на постоењето на биолошки и средински теории за доминацијата на горните екстремитети, спроведеното истражување има цел да утврди постоење на влијанието на доминантната латерализација на горните екстремитети на мајката при извршување на секојдневните активности со нивните деца. За таа цел беше користен примерок од 335 испитаници од женски пол и беа поставени задачи од три секојдневни активности: подавање на шише/цуцла, подавање на прибор за јадење и подавање на предмет за боење (дрвена боичка). Обработените резултати со Хи квадрат тестот покажуваат дека доминантната латерализација на мајките има улога во секојдневните активности со децата, без разлика на доминантниот горен екстремитет на децата.