СУДСКИ ПОСТАПКИ ВО СЕМЕЈНИ СПОРОВИ ВО КОИ СЕ ЗАСЕГНАТИ ПРАВА И ИНТЕРЕСИ НА ДЕЦА, Годишник на Правниот Факултет „Јустинијан Први“ во Скопје во чест на проф. д-р Арсен Јаневски

Abstract

Постапките во семејни спорови имаат свои специфики токму поради засегнатоста на правата и интересите на децата. И покрај тоа што националното законодавство изгледа како да се залага (деклараторно) за почитување на правата на детето пред другите засегнати страни, сепак, во праксата, а посебно по изгубените случаи пред ЕСЧП („Митови против Република Македонија“ и „Олури против Северна Македонија“) и трагичниот случај на Т.С. кој не стигна пред ЕСЧП поради неговата прерана смрт, излегува дека не е секогаш така. Ова е поради некои недоречености и застарени одредби во Законот за семејството (на пример, ригидниот концепт дека детето може да се довери на чување и воспитание само на еден од родителите по нивна разделба), поради премногу позитивистичко толкување на Законот без да се води сметка за ратификуваните меѓународни документи (на пример, КПД и член 7 кој бара брза и ургентна регистрација на децата веднаш по нивното раѓање), но и поради конфузната интерпретација на тоа кој е надлежен да ги носи и да ги извршува одлуките (судот или центарот за социјална работа) во постапките во семејни спорови кои засегаат деца.