Придонесот на академик Ѓорги Поп-Атанасов во проучувањето на старото книжевно наследство во Кичевско

Abstract

Црквите и манастирите во кичевскиот регион, а пред сѐ манастирот Света Пречиста Кичевска, со векови наназад биле средишта каде што се развивало духовното и културното наследство во градот, околината и пошироко. Како резултат на ваквата дејност, останало богато книжевно наследство, кое ќе стане предмет на различни проучувања од страна на различни научници. Академик Ѓорги Поп-Атанасов својот научен интерес го фокусира главно на три точки од книжевниот опус од Кичевско: Кичевскиот октоих, другите ракописи од село Премка и ракописите од манастирот Света Пречиста Кичевска, кон чие иследување придонесува со свои описи.