НЕРАСКИНЛИВАТА ВРСКА МЕЃУ МАТЕМАТИКАТА, ПРИРОДАТА И УМЕТНОСТА

Abstract

Постојат бројни математички поими и области кои често ги среќаваме во природата и уметностa: кругови, шестаголници, полиедри, фрактали, симетрија, броевите π и e, златен пресек, Фибоначиеви броеви многу други. Во овој труд акцентот е ставен на златниот пресек и Фибоначиевите броеви. Златен пресек го нарекуваме ирационалниот број 1 5 1,61803... 2 + τ = ≈ . Еден е од ретките броеви, покрај броевите π и e, кој побудува висок интерес уште од античко време кај математичарите, физичарите, филозофите, архитектите, уметниците и музичарите. Некои го нарекуваат и златна средина, златен рез, божествена пропорција, Фибоначиев број и Фидиева средина. Златниот пресек вообичаено го означуваме со буквата τ . Постојат примери во литературата кога наместо со τ , тој се означува со буквата ɸ, во чест на еден од првите изучувачи на неговите својства ‒ познатиот скулптор Фидиј, кој живеел и творел во Атина, во тоа време раководена од старогрчкиот државник, говорник и војсководач Перикле. Сепак, многу почесто во литературата со ɸ се означува бројот 1 /τ или бројот − 1/τ .