Модел за парцијална рамнотежа на пазарот на свинско месо во Република Македонија

Abstract

Постојаните промени во аграрната политика предизвикуваат низа реакции кај производителите, а таа се одразува на развојот на целиот земјоделски сектор и сите учесници и корисници од него. Членството во Светската трговска организација (СТО) ги обврзува одговорните за македонската земјоделска политика на олеснување на трговијата со земјоделски производи. Досегашниот трговски режим, со особена заштита на домашниот пазар, значајно се менува. Неопходно е прилагодување на македонските земјоделци на новонастанатите услови за да си обезбедат конкурентност на пазарот. Настојувањата за членство во ЕУ, што последните случувања го прават реално во поскоро време, ќе донесат ново опкружување за земјоделците и нова политика за спроведување. Предвидувањето на ефектите од сите овие промени е цел на овој труд, за што е изграден модел на парцијална рамнотежа со анализа на три можни сценарија: ефектите од членството во СТО како и две сценарија во однос на пристапот во ЕУ. Во моделот, свињарството се разгледува независно од останатите гранки на секторот земјоделство и промените во економијата воопшто.