Предизвици и политики на пазарот на труд на среден рок

Abstract

Трудот ги анализира трендовите и предизвиците на пазарот на труд во Северна Македонија и нуди низа препораки за нивно пресретнување на среден и долг рок. Доминантната премиса во трудот е зајакнувањето на интегративниот пристап меѓу пазарот на труд и останатите јавни политики. Интегративноста меѓу образованието и пазарот на труд како чинител за работна силна со високо ниво на човеков капитал. Интегративност меѓу пазарот на труд и јавното здравство, како основ за (легислативно) продоложување на работниот век. Интегративност меѓу развивањето на патната инфраструктура и подобрување на мобилноста на работната сила. И конечно, интегративност помеѓу макроекономскиот режим - кој создава стабилност и предвидливост – и развојните стратегии за поголема кохезија и еднаквост, како начин за пресретнување на диспаритетите на пазарот на труд.