Карактеристики на динамичните компоненти на духовното воспитание како педагошки процес

Abstract

За правилна организација на наставата која вклучува духовно воспитание потребно е да се идентификуваат нејзините специфични карактеристики и принципи, како и да се формулираат технолошките правила со кои наставникот ќе може да обезбеди позитивен духовен развој на учениците. Врз основа на таквите карактеристики на процесот на духовно воспитание, активноста на наставникот во оваа област може да се смета како активност на дизајнирање, конструирање и реализирање на најразлични педагошки (воспитни) ситуации во кои е присутна креативната дејност на оние кои се јавуваат како субјекти на духовно-воспитниот процес. Врз основа на карактеристиките на динамичните компоненти на духовното воспитание, процесот во оваа област може да се претстави на следниов начин: целите на духовното воспитание се поврзани со вредностите; содржината е поврзана со културата; средствата со поимањето на Другиот и општењето со Другиот, а резултатите се поврзани со саморазбирањето и самопромената.