Техники за тимска работа во онлајн наставата по странски јазик

Abstract

Како во многу земји, така и кај нас, борбата против КОВИД-19 ги затвори училиштата и учењето се одвива онлајн. Онлајн наставата претставува нов, поинаков начин на учење и подучување. Прилагодување на содржината на материјалот, давање соодветни инструкции за зададените задачи, оценување на знаењето, одржување на мотивираноста и интересот научениците/студентите за време на онлајн часовите, се само дел од предизвиците со кои се соочи образованието во целост за време на оваа пандемија. Со овие предизвици се справуваат и наставниците и изучувачите на странски јазик. Целта на овој труд е да понуди интерактивни техники за тимска работасо цел создавање поволна клима за онлајн учење на странски јазик, како и за поттикнување на социјализацијата меѓу сите инволвирани страни за време на онлајн наставата, но и за одржување на мотивацијата за учење, стимулирање, релаксирање и создавање атмосфера на доверба. Посебен акцент се става на некои од таканаречените воведни техники за тимска работа, предложени од Nik Peachey во неговата книга ,,Team Building Activities”, и тоа The Ice breakers, Identity Iceberg, Human Alphabet, Bucket List и The Web Crawl. Аргументите на овој труд се во насока на валидација на тврдењето дека користењето на ваковтип на наставни техники,од една страна, е директно поврзано со формирањето на позитивна социоемоционална атмосфера, а од друга страна, нуди можности за интеракција во наставата и полесно совладување на материјалот.